काठमाडौ २० माघ ।
सर्वोच्च अदालतले इच्छा मृत्युको कानुनी अधिकारका विषयमा छलफल गर्न ‘एमिकस क्युरी’ बोलाउने निर्णय गरेको छ ।
इच्छा मृत्यु गम्भीर विषय भएको भन्दै न्यायाधीशद्धय गोपाल पराजुली र चोलेन्द्रशम्शेर जबराको संयुक्त इजलासले परामर्शका लागि एमिकस क्युरी बोलाउने निर्णय गरेको हो ।
बाँच्न पाउने अधिकार जस्तै मृत्युवरण गर्न पाउने अधिकारको कानुनी रुपमा व्यवस्था गर्नुपर्ने आदेशको माग गर्दै अधिवक्ता उत्तमप्रसाद रिमालले झण्डै दुई वर्षअघि रिट निवेदन दायर गर्नुभएको थियो ।
सर्बोच्चले छलफलका लागि सर्वोच्च अदालत बार एसोसिएसनबाट तीन जना तथा नेपाल बार एसोसिएनबाट तीन जना वरिष्ठ अधिवक्ता वा अधिवक्ता उपलब्ध गराउन बारलाई आग्रह गरेको छ ।
रिट निवेदनमा लामो समयसम्म कोमामा रहेका बिरामी, अशक्त र उपचार गरेर ठीक नहुने बिरामीलाई स्वेच्छाले मृत्युवरण गर्न पाउने कानुनी व्यवस्था हुनुपर्ने माग गरिएको छ ।
