काठमाडौ २० माघ ।
उपराष्ट्रपति नन्दबहादुर पुनले शिक्षा क्षेत्रको सुधारका लागि लगानी बढाउनुपर्ने बताउनु भएको छ । परिवर्तित समयअनुुसार पाठ्यक्रममा पनि परिमार्जन गर्दै आधुनिक शिक्षा प्रणाली अवलम्बन गनुपनेमा उहाँको जोड थियो ।
साउथ वेस्टर्न स्टेट कलेजले आज राजधानीमा आयोजना गरेको ‘सातौँ साउथ वेस्टर्न विज्ञान, प्रविधि तथा व्यवस्थापन प्रदर्शनी’ को उद्घाटन गर्दै उहाँले हरेक वर्ष उच्च शिक्षाका लागि हजारौं नेपाली युवा विदेशिनुले पनि हाम्रो शिक्षा नीतिमा कहीँ न कहीँ कमजोरी रहेको दखाएको बताउनु भयो ।
हाम्रो शिक्षा नीति र हामीले विद्यार्थीलाई दिइने शिक्षामा नै भोलिको नेपालको खाका तयार हुने भएकाले समयानुसारको प्राविधिक र व्यावसायिक शिक्षामा हामीले जोड दिनुपर्ने उपराष्ट्रपति पुनको भनाई छ ।
अझै पनि विभिन्न जिल्लाका बालबालिका आधारभूत शिक्षाबाट समेत वञ्चित रहेको भन्दै उहाँले यसतर्फ सबैले समयमै गम्भीर भएर सोच्नुपर्ने धारणा राख्नुभयो ।
कलेजले हरेक वर्ष देशभरका ४० भन्दा बढी कलेजका विद्यार्थीले बनाएका विज्ञान, प्रविधि र व्यवस्थापनका सामग्रीको प्रदर्शनी गर्दै आएका छन् ।
