सेमिफाइनल खेलमा जगन्नाथ क्रिकेट क्लव थालिगाडालाई ५३ रनले हराउँदै निङ्गलाशैनी फाइनल प्रवेश गरेको हो । अर्को खेलमा कालाशैनी क्रिकेट क्लबलाई १३७ रनले पराजित गर्दै योङस्टारले फाइनलका लागि स्थान सुरक्षित गरेको हो ।
बुढाबाजे क्रिकेट मैदान रातामाटामा सम्पन्न खेलमा टस जितेर ब्याटिङ गर्दै निङ्गलाशैनीले ३२ दशमलव ५ ओभरमा सबै विकेट गुमाउँदै १७१ रन बनायो । विजयी लक्ष्य पछ्याउने क्रममा जगन्नाथले २४ दशमलव ४ ओभरमा ११८ रन मात्र बनाउन सक्यो । म्यान अफ द म्याच भएका निङ्गलाशैनीका ऋषिकेश बोहरा एक्लैले पाँच विकेट लिए ।
यस्तै निङ्गलाशैनी खेल मैदान देहिमाडांैमा सम्पन्न अर्को सेमिफाइनलमा टस जितेर ब्याटिङ गरेको योङस्टार क्रिकेट क्लवले निर्धारित ३५ ओभरमा ६ विकेटको क्षतिमा ३०७ रन बनायो । विजयी लक्ष्य पछ्याउने क्रममा कालाशैनीले १९ दशमलव २ ओभरमा सम्पूर्ण विकेट गुमाउँदै १७० रन बनायो ।
बलिङतर्फ योङ्स्टारका प्रकाश सिंहले चार तथा विपिन विष्टले दुई विकेट लिए । व्यक्तिगत १३७ रन बनाउनुका साथै चार विकेट लिएका योङस्टारका प्रकाश म्यान अफ द म्याच घोषित भए । फाइनल खेल भोली (आइतबार) हुने छ ।
