काडमाडौं १४ माघ।
सिटी मेट्रो कम्पनीले आज देखि राजधानीमा १५ वटा ठूला बस सञ्चालनमा ल्याउदै छ । ४० सिट क्षमताको यी बस सबै अपांगमैत्री रहेको कम्पनीका अध्यक्ष हेमेन्द्र शेरचनले जानकारी दिनु भयो ।
उक्त बस सबै वनस्थलीबाट छुटने बताइएको छ । त्यसपछि नारायणगोपालचोक, बालुवाटार, पुतलीसडक, माइतिघर, बानेश्वर, कोटेश्वर, पेप्सीकोला हुँदै काँडाघारीसम्म पुग्नेछ । यी बस सोही रुट हुँदै फर्किने बताइएको छ ।
यसले वनस्थलीबाट बानेश्वर आउनेहरुलाई दुईवटा बस फेर्नुपर्ने झन्झट र दोहोरो खर्च बेहोर्नुपर्ने बाध्यता अन्त्य हुनेछ । कम्पनीका बसहरु अपांगमैत्री भएकाले ह्वील चियरसहित यत्रा गर्न सकिने छ ।
कम्पनीले अबको ५ महिनापछि थप १५ नयाँ बस ल्याउने बताएको छ । अध्यक्ष शेरचनले ५ वर्ष्भित्र कम्पनीले सय वटा बस थप्ने बताउनु भयो ।
साझा यातायातासँगै अन्य यातायात ब्यवसायीहरुले रिंरोडसहितका भित्रि रुटहरुमा पनि ठूला बस चलाउन सुरु गर्ने क्रम तीव्र बनाएका छन् ।
