काठमाडौ १२ माघ ।
उच्च अदालतको न्यायाधीश नियुक्तिप्रति असन्तुष्टि जनाउँदै बहस बहिस्कार गरेका सरकारी वकिलहरु आजदेखि काममा फर्किने भएका छन् ।
न्यायपरिषदले आगामी दिनमा न्यायाधिश नियुक्तिमा सरकारी वकिललाई प्राथमिकता दिने सहमति जनाएपछि आन्दोलन स्थगित गरेर सरकारी वकिलहरु आजबाट बहस पैरवीमा सामेल हुने भएका हुन् ।
सरकारी वकिलहरुले बहस बहिस्कार गरी आन्दोलनमा उत्रिदा सरकारी मुद्धा सुनुवाई प्रभावित बनेपछि प्रधानमन्त्री पुष्पकमल दाहाल, प्रधानन्यायाधिश शुशिला कार्की, कानुनमन्त्री अजयशंकर नायकबीच हिजो छुट्टा छुट्टै वार्ता समेत भएको भियो ।
कानुनमन्त्री अजयशंकर नायक, महान्याधिवक्ता रमनकुमार श्रेष्ठ र सरकारी वकिलबीच भएको भएको छलफलमा न्यायाधीश नियुक्त गर्दा सराकारी वकिललाई प्राथामिकता दिने सहमति भएको थियो ।
उच्च अदालतमा ८० जना न्यायाधीश नियुक्त गर्दा सरकारी वकिलबाट जम्मा एकजना मात्रै परेकोमा विरोध जनाउलै सरकारी वकिलले गत आइतबारदेखि सर्वोच्च अदालत लगायत मुलुकभरका अदालतमा बहस बहिष्कार गर्दै आएका थिए ।
