काठमाडौ ११ माघ ।
२० बुँदे पोखरा घोषणापत्र जारी गर्दै नेकपा एमालेको राष्ट्रिय भेला तथा प्रशिक्षण कार्यक्रम सम्पन्न भएको छ । तीन दिनसम्म चलेको भेलामा एमालेका २० जनवर्गीय संगठनका झण्डै ४ हजार प्रतिनिधि सहभागी थिए ।
भेलाले पार्टीको नीति, कार्यक्रम र सिद्धान्तप्रति प्रतिवद्ध रहने, पार्टीको संगठनात्मक सिद्धान्त अनुरुप संगठन परिचालित गर्ने, सबै जनवर्गीय संगठनहरुमा महिला, दलित, अल्पसंख्यक, मधेसी, जनजाति, मजदूर, किसान आदिको समावेशी प्रतितिनिधित्व गर्ने घोषणा गरेको छ ।
यस्तै घोषणापत्रमा जनवर्गीय संगठनहरुको बीचमा आपसी सहयोग, पार्टीको सातौं केन्द्रीय बैठकले जारी गरेको विशेष प्रस्तावको समर्थन गर्ने, औपचारिक कार्यक्रमलाई तडकभडक नबनाउने, जातीय छुवाछुत, साम्प्रादायिक विद्वेष बढाउने व्यवहारको अन्त्य गर्ने र संबिधान कार्यान्वयनमा दुढ प्रतिवद्धता जाहेर गर्ने उल्लेख छ ।
त्यसैगरी भेलाले संविधान संशोधनको प्रस्ताव फिर्ता लिन माग गर्ने, ०७४ सालको माघ ७ भित्रै तीनवटै तहको निर्वाचन सम्पन्न गर्न तत्काल निर्वाचनको मिति घोषणाका लागि दवाव दिने तथा एमालेले आगामी फागुन २१ गतेबाट सुरु गर्ने मेची महाकाली अभियान सफल पार्ने प्रतिवद्धता समेत जाहेर गरेको छ ।
