झापा, ११ माघ । झापामा यतिबेला जङ्गली हात्तीको आतंक फैलिएको छ । सो क्षेत्रका बिभिन्न स्थानमा दैनिकजसो हात्तीको आक्रमणबाट ज्यान जान थालेपछि स्थानिय त्रसित बन्न थालेका छन् ।
झपाको भ्रद्रपुरमा पछिल्ला दुई दिनमा हात्तीको आक्रमणबाट एक बालिकासहित दुई जानको मृत्यु भएको छ ।
झापाको भद्रपुर नगरपालिका–२मा आईतवार र र सोमवार दुई जनालाई हात्तीले आक्रमण गर्यो । आइतबार जङ्गली हात्तीको आक्रमणमा परी भद्रपुर–२ निवासी ४१ वर्षीया पालमाया सुब्बाको मृत्यु भएको थियो भने सोमबार सोही ठाउँ निवासी अर्की १३ वर्षीया बालिका शर्मिला लिम्बूले पनि ज्यान गुमाएसँगै भद्रपुर शोकमग्न छ ।
आइतबार मायालु सामुदायिक वनमा घाँस काट्न गएका उनीहरुलाई हात्तीले आक्रमण गरेको जिल्ला प्रहरी कार्यालय झापाका प्रहरी उपरीक्षक शैलेश थापा क्षेत्रीले बताउनुभयो ।
हात्तीको आक्रमणमा परी पालमायाको आइतबार नै मृत्यु भएको अवस्थामा शव फेला परेको थियो ।
यता आइतबारदेखि नै बेपत्ता बनेकी शर्मिलाको सोमबार मात्रै शव फेला परेको छ । हराएकी बालिकालाई सोमबार स्थानीयवासी, प्रहरी र जिल्ला वन कार्यालय झापाको टोलीले मृत अवस्थामा फेला पारेका थिए ।
