काठमाडौ १० माघ ।
चितवनको भरतपुरस्थित एक कपास गोदाममा आज दिउँसो आगलागी हुँदा ६ लाखभन्दा बढीको क्षति भएको छ ।
भरतपुर–१० स्थित स्थानीय शंकर श्रेष्ठको आफ्नै घरमा रहेको कपास गोदाममा आगलागी भएको चितवनका प्रहरी उपरीक्षक दीपक थापाले जानकारी दिनुभयो ।
दिउँसो करिब साढे २ बजे लागेको आगो छोटो समयमै आगो नियन्त्रणमा लिन सफल भएकाले धेरै क्षति हुनबाट जोगिएको चितवन प्रहरीले जनाएको छ ।
भरतपुर उपमहानगरपालिकाबाट गएको दमकलको सहयोगमा प्रहरी र स्थानीयवासीले आगो नियन्त्रणमा लिएका थिए ।
गोदाममा विद्युत् सर्ट भई आगलागी भएको र घटनाको विस्तृत अनुसन्धान भइरहेको प्रहरीले जनाएको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
