काठमाण्डौं माघ ९ । नेकपा माओवादीका महासचिव नेत्र विक्रम चन्द विप्लवले दलाल र भ्रष्टहरुलाई कालोमोसो दल्ने मात्र हैन अब रत्नपार्कको चौरमा ल्याएर जनकार्बाही गर्नु पर्ने बताउनु भएको छ ।
अख्तियारका निलम्वित प्रमख लोकमान सिंह कार्कीलाई कालोमोसो दल्ने प्रकाश शाही र चन्द्र बुढालाई अखिल क्रान्तिकारीले गरेको अभिनन्दन कार्यक्रममा बोल्दै महासचिव विप्लवले कालोमो सांकेतिक भएको भन्दै अब आम जनताले दलालहरु विरुद्ध क्रान्ति गर्नु पर्ने बताउनु भयो ।
उहाले अहिलेको संसदीय व्यवस्था र दलाल सत्तालाई अन्त्य गराएर समाजवादी सत्ता ल्याए पछि मात्रै देश र जनताको समृद्धि संभव भएको भन्दै सबै क्षेत्रबाट सहयोगको अपील गर्नु भयो ।
देशको स्वाभिमान जोगाउन जस्तो सुकै कदम चाल्न तयार रहेको बताउदै उहाले जनताले गर्ने आन्दोलनको नेतृत्व माओवादीले गर्ने बताउनु भयो ।
एक प्रसगमा उहाले प्रचण्ड बाबुरामले क्रान्ति छाडेर विदेशीको तलुवा चाटेर सत्तामुखि भएको टिप्पणी गर्नु भयो । दलाल भ्रष्ट र विदेशीको डिजाईनमा लोकमानलाई अख्तियार प्रमुख बनाईएको पनि उहाले दावी गर्नु भयो । आफूहरु राष्ट्रले माग्यो भने जीवन बलिदान गर्न पनि तयार रहेको विप्लवले बताउनु भयो ।
