काठमाडौं , ८ माघ ।
प्रधानमन्त्री पुष्पकमल दाहाल र राष्ट्रपति बिद्यादेबी भण्डारीबीच पछिल्लो राजनीतिक घटनाक्रमबारे छलफल भएको छ ।
राष्ट्रपतिलाई भेट्न शितल निवास पुगेको प्रधानमन्त्री दाहालले गतिरोध अन्त्यका लागि सरकार तथा सत्तारुढ दलबाट भएका प्रयासबारे जानकारी गराउनुभएको थियो ।
बिहान झण्डै एक घण्टा भएको भेटमा राष्ट्रपति भण्डारीले सवै दललाई समेटेर निकासका लागि पहल गर्न प्रधानमन्त्री दाहाललाई सुझाउनुभएको थियो ।
संविधान कार्यान्वयनका लागि उपयुक्त वातावरण बनाउदै आगामी बर्षको माघ ७ गते भित्र तीनै तहको निर्वाचन सम्पन्न गर्नु आवश्यक रहेको तर्फ राष्ट्रपतिले प्रधानमन्त्रीको ध्यानाकर्षण गराउनुभएको थियो ।
जवाफमा प्रधानमन्त्री दाहालले गतिरोध अन्त्यका लागि सरकार तथा सत्तारुढ दलहरु गम्भीर रुपमा लागेको जानकारी गराउदै चाडै निकास निस्कने बिश्वास ब्यक्त गर्नुभएको थियो ।
