काठमान्डौ , माघ ८ ।
पोखरामा जारी १५ औ आहा रारा गोल्डकप फुटबल प्रतियोगिता अन्तरगत आजदेखि क्वाटरफाईनल चरणका खेलहरु सुरु हुदैछ ।
आज हुने पहिलो क्वाटरफाईन्ल खेलमा आयोजक सहारा क्लब र भारतको सिक्कीम युनाईटेडबीच प्रतिस्पर्धा हुनेछ ।
पोखरा रंगशालामा हुने यी दुई टोलीबीचको खेल दिउसो साढे दुईबेजे पछि सुरु हुनेछ ।
उद्घाटन खेलमा मोफोसलको सुदुरपश्चिम ११ लाई पराजित गर्दै आयोजक सहारा अन्तिम आठमा प्रवेश गरेको हो भने सिक्किम युनाटेड सिधै क्वाटरफाईन्लमा स्थान बनाएको हो ।
सहारा क्लबमा तीन नाईजेरियन खेलाडिका साथै आफ्नै एकेडेमिबाट उत्पादन गरेका खेलाडि सहभागी छन् ।
तीन विदेशी सहित १२ टोली सहभागी प्रतियोगीताको विजेताले पाँच लाख एक हजार नगद तथा उपविजेताले दुई लाख ५१ हजार नगद प्राप्त गर्ने छन् । प्रतियोगिताका उत्कृष्ट खेलाडीलाई स्कुटर प्रदान गरिने छ ।
यस्तै बेस्ट किपर, डिफेन्स, मिड फिल्डर, स्ट्राइकर र प्रशिक्षकलाई पनि नगद पुरस्कार दिइने छ । प्रतियोगिता आगामी माघ १५ गते सम्म सञ्चालन हुने छ ।
