काठमाडौ ७ माघ । नेपाली काँग्रेसका सभापति शेरबहादुर देउवाले स्थानीय तहको निर्वाचनपछि सरकार परिवर्तन हुने बताउनु भएको छ । प्रेस युनियन नेपालले आज चितवनमा आयोजना गरेको पत्रकार सम्मेलनमा बोल्दै उहाँले निर्वाचन सम्बन्धी विधेयक पारित भएपछि संविधान संशोधनको प्रस्ताव अघि बढ्ने बताउनु भयो ।
उहाँले निर्वाचन विधेयक पारित गर्न ढिलाइ भएकाले निर्वाचन मिति घोषणा गर्न ढलाई भएको भन्दै अबको एक वर्षभित्र तीनै तहको निर्वाचन गर्नुपर्नेमा जोड दिनु भयो ।
संघिय गणतान्त्रिक लोकतान्त्रिक संविधान कार्यान्वयनका लागि निर्वाचन अपरिहार्य रहेको भन्दै उहाँले संशोधन प्रस्तावमाथि अब हुने छलफलमा विपक्षी दलले अवरोध नगर्ने देउवाको विश्वास थियो ।
मधेसी जनताको भावनालाई कदर गर्दै संविधान संशोधन प्रस्ताव पेस गरिएको प्रष्ट पार्दै उहाँले सबैको मागलाई सम्बोधन गर्न नसके संविधान कार्यान्वयन प्रक्रिया जटिल बन्ने धारणा राख्नु भयो ।
