काठमाडौँ, ६ माघ ।
खुकुरी च्यालेन्ज कप क्रिकेट–२०१७ प्रतियोगिता अन्तर्गत आज भएको खेलमा रोयल पिसी फाइटर विजयी भएको छ ।
भक्तपुरस्थित वीरेन्द्र सैनिक महाविद्यालयको मैदानमा आज भएको खेलमा रोयलले कुपन्डोललाई १२४ रनको भारी अन्तरले पराजित गरेको हो ।
टस जितेर पहिले ब्याटिङ गरेको रोयलले निर्धा्रित २० ओभरमा ७ विकेट गुमाउँदै २१९ रनको योगफल बनाएको थियो दुई सय २० रनको विजय लक्ष्य लिएर मैदानमा उत्रिएको कुपन्डोल १९ ओभरमा ९५ रन जोड्दै अल आउट भयो ।
रोयलका जितमा इन्द्रकाम मानन्धरले सर्वा्धिक ५६ रनको योगदान दिए । त्यस्तै रवीन जोशीले ४१ तथा नरेश चन्दले ३८ रनको योगदान दिए ।
यता कुपन्डोलका लागि भने अरविन चौधरीले ३२ तथा अजय ठाकुरले २१ रन जोड्नेबाहेक अन्य ब्याट्सम्यानले उल्लेखनीय प्रर्दशन गर्न सकेनन् ।
कुपन्डोललाई कमैमा जित्ने क्रममा रोयलका सन्दीप जोरा एक्लैले पाँच विकेट लिए भने इन्द्रकामले दुई विकेट लिए । सो जितसँगै दुई खेल खेलेको रोयलले चार अङ्क जोडेको छ भने एक खेल खेलेको कुपन्डोल अङ्कविहीन छ ।
खुकुरी इनटीको आयोजनामा भएको उक्त प्रतियोगितामा एपिएफ, त्रिभुवन आर्मी क्लब, नेपाल पुलिस क्लबलगायत १६ टोलीले प्रतिस्पर्धा गरेका छन् ।
