काठमाण्डौ ,३ पुस ।
राष्ट्रपति विद्यादेवी भण्डारीकी कान्छी सुपुत्री डा निशाकुसुम भण्डारी र इन्जिनियर अभिषेक यादवको शुभ विवाह आज सम्पन्न भएको छ ।
राष्ट्रपति निवास शीतल निवासमा अभिषेकलाई भण्डारीले बिहान १० बजे स्वयम्वरको माला लगाइदिएकी थिईन ।
विवाह समारोहका लागि दुलहा आफ्ना पिता इन्जिनियर मुनीलाल, माता सांसद किरण यादवलगायत आफन्तका साथ शीतल निवास पुगेका थिए ।
विवाहमा निम्तो मान्न शीतलनिवास पुगेका पूर्वराजा ज्ञानेन्द्रले ५० वर्ष पहिलेको आफ्नै विवाहको सम्झना आएको प्रतिक्रिया दिए ।
शीतल निवास त्यही ठाउँबाट उनले कोमललाई बिहे गरेर पत्नी बनाएका थिए । नव दुलाहा(दुलहीलाई शुभकामना दिएर पूर्वप्रधानमन्त्री लोकेन्द्रबहादुर चन्द, पशुपति समसेर जवरा, कमल थापा, गणेश थापा लगायतका नेताहरुसँग चिया पिउने क्रममा पूर्वराजाले आफ्नो विवाहको सम्झना सुनाएका हुन् ।
चन्द्रसमशेरका छोरा कृष्णसमशेर जबराको घर शीतलनिवास स्वेच्छाले नेपाल सरकारलाई दिएका थिए । त्यसपछि यो ठाउँलाई केही समय परराष्ट्र मन्त्रालय अन्तरगत विदेशीहरुको पाहुना घरका रुपमा पनि प्रयोग गर्ने गरिएको थियो ।
यो भवनमा केही समय भारतीय दूतावाससमेत बसेको थियो ।
अतिथिहरुको शिष्टाचार भेटघाटमा समेत प्रयोग गरिएको यो घरबाट राजा महाराजाहरुले आफ्ना छोरा(छोरीको बिहे गराउने गरेकोमा पूर्वराजा ज्ञानेन्द्र र कोमलको विवाह पनि सोहि भवनबाट भएको थियो ।
