काठमाडौ २ माघ ।
पाल्पाको सिलुवामा गएराति भएको सवारी दुर्घटनामा दुई जनाको मृत्यु भएको छ । मृत्यु हुनेमा रामपुर मटेरीका ३८ वर्षीय लालसिंह थापा र अन्दाजी २२ वर्षीय एक पुरुष रहेका छन् ।
दुर्घटनामा परी मृत्यु हुने पुरुषको सनाखत हुन नसकेको प्रहरीले जनाएको छ । बुटवलबाट रामपुरतर्फ आउँदै गएको ना ४ ख ९२ १८ नम्बरको यात्रुबस गएराति करिब ११ बजे सिलुवा ४ बैछापमा दुर्घटना भएको हो ।
दुर्घटनामा परी गम्भिर घाइते भएका दुवै जनाको उपचारका लागि लुम्बिनी मेडिकल कलेज लैजाँदै गर्दा बाटोमा नै मृत्यु भएको इलाका प्रहरी कार्यालय रामपुरले जानकारी दिएको छ ।
दुर्घटनामा अन्य २० जना घाइते भएका छन् । २४ जना यात्रु सवार बस सडकबाट करिब एक सय मिटर तल खसेको प्रहरीको भनाई छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
