काठमाडौँ, २ माघ ।
१९ औँ भूकम्प सुरक्षा दिवस आज सरकारी तथा गैरसरकारी संघ सस्थाहरुले बिभिन्न कार्यक्रम गरी मनाउदैछन् ।
दिवशको यस बर्षको नारा ‘भूकम्पीय सुरक्षाको बलियो आधार, भैँचालो थेग्ने घर र भौतिक पूर्वाधार’ भन्ने तय गरिएको छ । विसं १९९० माघ २ गते भूकम्प गएको महाभूकम्पको सम्झनामा सरकारले २०५६ सालदेखि भूकम्प सुरक्षा दिवस मनाउन थालेको हो ।
दिवसका अबसरमा सरकारले आज काठमाण्डौको साखुमा बिशेष कार्यक्रमको आयोजना गरेको छ । सो कार्यक्रमको आज बिहान ११ बजेर ५६ मिनेटमा कार्यबाहक प्रधानमन्त्री तथा गृहमन्त्री विमलेन्द्र निधिले उद्घाटन गर्नुहुने छ । पाँच दिनसम्म साँखुमा भूकम्पीय सुरक्षासम्बन्धी प्रदर्शनी पनि आयोजना गरिँदैछ ।
कार्यक्रममा सडक नाटक र जनचेतनामूलक अभियानसमेत सञ्चालन गरिने जनाइएको छ । प्रदर्शनीमा जनचेतना जगाउने उद्देश्यले २२ कक्ष राखिने भूकम्प प्रविधि राष्ट्रिय समाज नेपाल (एनसेट नेपाल)का निर्देशक विजयकृष्ण उपाध्याय बताउन भयो ।
सरकारले आज १९ औँ भूकम्प सुरक्षा दिवस मनाउने तयारी गरे पनि गत वर्ष १८औँ भूकम्प सुरक्षा दिवसका दिन तामझामका साथ सुरु गरिएको बिभिन्न सम्पदाको पुनःनिर्माण भने अलपत्र छ ।
गतवर्ष आजकै दिन भूकम्प सुरक्षा दिवसका अवसरमा राष्ट्रपति विद्यादेवी भण्डारीले रानीपोखरी र बीचमा रहेको बालगोपालेश्वर मन्दिरबाट शुभारम्भ गर्नुभएको थियो । पुनःनिर्माणको जिम्मेवारी पाएको काठमाडौँ महानगरपालिकाले पुरातात्विक संरचनामा आधुनिक निर्माण सामग्री प्रयोग गरेको भन्दै स्थानीयवासीले विरोध गरेपछि एक वर्ष पुग्दा पनि काम अघि बढ्न सकेको छैन ।
यस्तै तत्कालिन प्रधानमन्त्री केपि शर्मा ओलीले ललितपुरको बुङमतिमा रहेको रातो मछिन्द्रनाथ र पुरानो नेवारी बस्ती बु्ङ्मतीलाई एकिकृत सघन बस्तीप्का रुपमा पुनरनिर्माण गर्न तामझामसहित उद्घाटन गर्नुभएको थियो । तर यसको काम पनि अघि बढ्न सकेको छैन ।
१९० को भुकम्पपछि गत बर्ष विसं २०७२ वैशाख १२ गते शनिबार ११ बजेर ५६ मा गोरखाको बारपाक केन्द्रबिन्दु भएर गएको भूकम्प क्षति पुर्याका कतिपय स्थानमा अझै सर्बेक्षण सम्म हुन सकेको छैन । यस्तै नीजी आवास निर्माणको काम पनि बर्ष दिन सम्म सरकारी ढिलासुस्ती र अनुदान सम्झौतामा भएको ढिलाईले कतिपय स्थानमा पिडितहरु अझै पालमुनि नै बस्न बाध्य छन् ।
