काठमाडौ २९ पौष ।
विवादकाबीच न्यायपरिषदले उच्च अदालतमा न्यायधिश नियुक्ति गरेको छ । दुई सदस्यको अनुपस्थितिमा गएराति बसेको परिषद बैठकले उच्च अदालतमा ८० जना न्यायाधीश नियुक्त गरेको हो ।
परिषद अध्यक्ष समेत रहनु भएका प्रधान न्यायधिश शुसिला कार्की परिषदका पदेन सदस्य कानुनमन्त्री अजय शंकर नायक र माओवादी निकट परिषद सदस्य नियुक्त पदम वैदिक सहभागी बैठकले न्यायधिश नियुक्ति गरेको हो ।
नियुक्ति प्रक्रियाप्रति आपत्ती जनाउदै न्यायपरिषदका सदस्य रामप्रसाद सिटौला र वरिष्ठतम् न्यायधीश बैद्यनाथ उपाध्यायले बैठक बहिष्कार गर्नुभएको थियो । नियुक्त भएका न्यायाधीशबारे परिषदले औपचारिक जानकारी दिएको छैन ।
ब
न्यायधिश नियुक्तिको निर्णयमा तीन जनाको मात्रै हस्ताक्षर रहेको छ । ५ सदस्यीय परिषदले बहुमतको आधारमा न्यायधीश नियुक्ति गरेपनि यसले विवाद निम्त्याउने देखिएको छ ।
