काठमाडौ २९ पौष ।
धनगढीमा जारी प्रथम अन्तर्राष्ट्रिय आमन्त्रण सुदुरपश्चिम खप्तड गोल्डकपमा आज आयोजक सुदुरपश्चिम ११ र संकटा क्लबबीच प्रतिस्पर्धा हुदैछ ।
दोस्रो सेमिफाइनल अन्तरगत यी दुई टोलीबीचको खेल दिउँसो धनगढी रंगालामा हुनेछ । दुवै टोली आजको खेलमा जीत हात पार्दै फाइनल पुग्ने दाउका साथ मैदान उत्रदैछन् ।
यसअघि हिजो भएको खेलमा भारतको दिल्ली युनाइटेड क्लबलाई ३–१ गोल अन्तरले पराजित गर्दै लक्ष्मी हुन्डाई मनाङ मस्र्याङ्दी कलब प्रतियोगिताको फाइनल प्रवेश गरेको छ ।
मनाङका लागि कप्तान अनिल गुरुङले २ तथा विदेशी खेलाडी ओलावाले ए गोल गरे भने सुरुवाती अग्रता लिएको दिल्लीका लागि थोपीले एक गोल गरेका थिए ।
आजको विजेता टोलीले भोली हुने फाइनल खेलमा मनाङसँग उपाधिका लागि प्रतिस्पर्धा गर्नेछ । प्रतियोगिताको विजेता टोलीले ५ लाख नगद हात पार्नेछ भने उपविजेताले २ लाख ५१ हजार रुपैयाँ नगद प्राप्त गर्नेछन् ।
