काठमाडौं, पुस २८ । विश्व फुटबलको सर्वोच्च निकाय (फिफा)ले जारी गरेको नयाँ विश्व वरीयताक्रममा सुधार गर्दै नेपाल ६ स्थान माथि उक्लिएको छ ।
फिफाले आज सार्वजनिक गरेको नयाँ वरीयताक्रममा ६ स्थान माथि जादै नेपाल १७५औं स्थानमा पुगेको छ । अघिल्लो महिना सार्वजनिक गरिएको वरीयताक्रममा ५ स्थान सुधार गर्दै १८१औं स्थानमा रहेको थियो ।
पछिल्लो समय राम्रो नतिजा निकालिरहेको नेपाली टोलीले दक्षिण एसियामा पनि आफ्नो स्थान सुधार गर्दै चौथो स्थानमा उक्लिएको छ ।
भारत विश्वमा १२९औं स्थानसहित दक्षिण एसियामा शीर्ष स्थानमा रहँदा माल्दिभ्स १४५औं स्थानसहित दक्षिण एसियामा दोस्रो स्थानमा रहेको छ ।
१५१औं स्थानसहित अफगानिस्तान दक्षिण एसियामा तेस्रो, १७६औं स्थानसहित भुटान दक्षिण एसियामा पाँचौ, १९०औं स्थानसहित बंगलादेश दक्षिण एसियामा छैटौं, विश्व वरीयतमा १९६औं स्थानसहित श्रीलंका दक्षिण एसियामा सातौं र १९७औं स्थानसहित पाकिस्तान दक्षिण एसियामा अन्तिम स्थानमा रहेको छ ।
फिफाको वरीयताक्रममा अर्जे्न्टिना पहिलो नम्बरमा कायमै छ । दोस्रोमा ब्राजिल, तेस्रोमा जर्मनी, चौथोमा चिली र पाँचौंमा बेल्जियम रहेका छन् ।
