काठमान्डौ ,पुस २८।
मुलुकका बिभिन्न स्थानमा भएको छुट्टा छुट्टै सवारी दुर्घटनामा परि तीन जनाको मृत्यु भएको छ ।
जाजरकोट सदरमुकामबाट ढिमेमा आज बिहान ट्र्याक्टर पल्टिँदा भेरीमालिका–२ का २४ वर्षीय हरिबहादुर पुनको घटनास्थलमै मृत्यु भएको छ ।
घरङ्गा पौष्टिक आहार लिएर गएको भे १ त ५७०७ नम्बरको ट्र्याक्टर ढिमे–१ चुइकमा पल्टिँदा सहचालक पुनको मृत्यु भएको हो ।
ट्र्याक्टर चालक सुर्खेतका लालबहादुर चदारा घाइते भएका छन् । घाइतको उपचारका लागि सदरमुकाम ल्याउँदै गरेको प्रहरी प्रमुख भावेश रिमालले वताउनुभयो ।
यस्तै , बुटवल–४ मैनाबगर चोकमा आज बिहान लु १ ख ८२४९ नम्बरको ट्रकको ठक्करले लु २० प ३९४८ नम्बरको स्कुटरलाई ठक्कर दिदा एक जनाको मृत्यु भएको छ ।
दुर्घटनामा परी स्कुटरमा रहेका २४ वर्षकी तुलसा पाण्डको मृत्यु भएको हो । गुल्मी अश्लेवा घर भई बुटवल–१३ देवीनगरमा डेरागरी बस्ने पाण्डेको उपचारको क्रममा लुम्विनी अञ्चल अस्पताल बुटवलमा मृत्यु भएको हो । ठक्कर दिने ट्रकलाई प्रहरीले नियन्त्रणमा लिएको छ ।
यता , धादिङमा आजै भएको ट्याक्टर दुर्घटनामा गारेखाका १९ वर्षीय कुमार गुरुङको मृत्यु भएको छ ।
चालक नभएको बेला सहचालकले चलाएको ट्याक्टर अनियन्त्रीत भइ दुर्घटना हुदाँ त्यसमा सवार गुरुङको मृत्यु भएको हो । दुर्घटनामा परी सहचालक पूर्ण नेपाली घाइते भएको प्रहरीले जानकारी दिएको छ ।
