काठमाडौं, पुस २८।
काठमाडौं उपत्यकामा हुस्सुका कारण विहानको केहि समयमा प्रभावित भएको त्रिभुवन अन्तर्रा्ष्ट्रिय विमानस्थलको सबै उडान सुचारु भएको छ ।
भिजिविलिटि कम भएका कारण विहानको केहि समय प्रभावित भएको उडान अहिले सुचारु भएको विमानस्थल कार्यालयले जनाएको छ ।
अहिले विमानस्थलको भिजिविलिटि १५ सय मिटरमा पुगेकोे जल तथा मौसम पूर्वानुमान महाशाखाले जनाएको छ । बिहान एक हजार मिटरमा झरेको थियो । भिजिबिलिटि बढेपछि नियमित उडान सुरु भएको हो ।
आज पहाडी क्षेत्रको मौसम दिनभरि नै आशिंक बदली हुने उहाँले बताउनुभयो । मौसमविद् श्रेष्ठका अनुसार मध्य र पूर्वी नेपालको मौसम सफा हुनेछ ।
तर शनिबार पश्चिमी वायु सक्रिय हुने देखिएकाले देशका धेरै ठाउँमा पानी पर्ने संभावना छ । गएको २४ घण्टामा लुम्लेमा १ दशमलव ६ मिलिमिटर पानी परेको जल तथा मौसम पूर्वानुमान महाशाखाले जनाएको छ ।
यस्तै गएको २४ घण्टामा काठमाडौं उपत्यकासहित देशका धेरै ठाउँमा यो वर्षकै कम न्यूनतम तापक्रम मापन गरिएको छ । महाशाखाका अनुसार गएको २४ घण्टामा काठमाडौंको तापक्रम २ दशमलव ४ डिग्री सेल्सियसमा झरेको थियो ।
