काठमाडौ २७ पौष ।
धनगढीमा जारी सुदुरपश्चिम खप्तड गोल्डकप फुटवल अन्तरगत आजको अन्तिम क्वाटरफाइनल खेलमा संकटा क्लब काठमाडौ सेमिफाइनलमा प्रवेश गरेको छ ।
धनगढी रंगाशालामा आज भएको खेलमा विभागीय टोली नेपाल आर्मीलाई २–१ गोल अन्तरले पराजित गर्दै संकटाले प्रतियोगिताको अन्तिम चारमा स्थान बनाएको हो ।
सङ्कटाका लागि खेलको १६ औँ मिनेटमा मार्टिन एजीले पहिलो गोल गरेका थिए । त्यस्तै २५ औँ मिनेटमा मार्टिनले नै दोस्रो गोल गर्दै सङ्कटालाई २–० को अग्रता दिलाए ।
खेलको दोस्रो हाफको ६१ औं मिनेटमा आर्मीका टंक बुढाथोकीले एक गोल पर्काएका थिए । सुदुरपश्चिम ११ फुटवल क्लबको आयोजनामा गत पौष २१ गतेदेखि सुरु प्रतियोगिताको सेमिफाइनल खेल भोलीबाट सुरु हुनेछ ।
पहिलो सेमीफाइनलमा भोली भारतको दिल्ली युनाइटेड र काठमाडाँैको मनाङ मस्र्याङ्दी प्रतिस्पर्धा गर्नेछन् । त्यस्तै शुक्रबारको दोस्रो सेमिफाइनलमा आयोजक सुदुरपश्चिम ११ र सङ्कटाबीचको खेल हुनेछ ।
