काठमाडौ २५ पौष ।
निर्वाचन आयोगले आगामी माघ १७ गतेभित्र सबै राजनितिक दल दर्ताका लागि अनुरोध गरेको छ । स्थानीय निर्वाचन व्यवस्थापनका लागि ७५ वटै जिल्लास्थित निर्वाचन कार्यालयमा दल दर्ता गर्न आयोगले अनुरोध गरेको हो ।
नयाँ संविधान अनुसार अब राजनीतिक दलहरूले स्थानीय तह, प्रदेश सभा र संघका लागि अलग–अलग रूपमा राजनीतिक दल दर्ता गर्नुपर्ने प्रमुख निर्वाचन आयुक्त डा. अयोधीप्रसाद यादवले बताउनु भयो ।
जिल्लामा क्रियाशील रहेका दलहरूले सम्बन्धित जिल्लाको निर्वाचन कार्यालय वा क्षेत्रीय निर्वाचन कार्यालयमा दल दर्ता गराउनु पर्नेछ ।
आयोगमा दर्ता नभएका दलले त्यो जिल्लाको स्थानीय तहको निर्वाचनमा पार्टीगत सहभागिता जनाउन पाउने आयोगका प्रवक्ता सूर्यप्रसाद शर्माले बताउनु भयो ।
अहिले दर्ता भएको आधारमा निर्वाचन सहितको मतपत्रको व्यवस्थापन हुनेछ । नेपालको संविधानको धारा २६९ मा राजनीतिक दलको गठन, दर्ता र सञ्चालन सम्बन्धी व्यवस्था छ ।
दल दर्ता गराउने प्रयोजनका लागि निवेदन पेस गर्दा सम्बन्धित राजनीतिक दलको विधान र घोषणापत्रका अतिरिक्त सङ्घीय कानुन बमोजिमका अन्य कागजात पेस गर्नुपर्ने आयोगले जनाएको छ ।
