काठमाडौं , पुस २४ ।
सभामुख ओनसरी घर्तीको आह्वानमा संसदको अवरोध खुलाउनेबारे बसेको प्रमुख तीन दलका शीर्ष नेताको बैठक सहमतिबिना टुंगिएको छ ।
नयाँ बानेश्वरमा बसेको बैठकमा दलहरु आ–आफ्नै अडानमा रहेपछि बैठक बिनानिष्कर्ष टुंगिएको हो ।
सत्तारुढ दलहरुले संसदमा संविधान संशोधन विधेयक पेश गर्नुपर्नेमा जोड दिएक थिए भने प्रतिपक्षी एमालेले संसोधन बिधेयक फिर्ता गर्न माग गर्दै सदनमा लगिए अबरोध जारी राख्ने अडान कायम राखेको थियो ।
सत्तारुढ दलहरुले विधेयक टेबुल गर्न मात्र दिन गरेको आग्रह अस्वीकार गर्दै प्रमुख प्रतिपक्षी एमालेले सीमांकन हेरफेरको प्रस्ताव असंवैधानिक भएको दाबी गर्दै सदन नखुलाउने अडान लिएको थियो ।
एमालेले सर्वोच्च अदालतले सीमांकन हेरफेर प्रदेशसभाले गर्ने व्याख्या गरिसकेको अवस्थामा विधेयक फिर्ता लिएर परिमार्जन गर्न समेत सरकारसँग माग गरेको छ ।
विपक्षी दलहरुले संसदको अवरोध नछाड्ने अडान लिएपछि सरकारले अवरोधका बीच पनि संविधान संशोधन विधेयक आजको संसद बैठकमा टेबुल गर्ने तयारी गरेको थियो ।
