काठमाडौं, पुस २४।
प्रमुख प्रतिपक्षी दल नेकपा एमाले सहितका विपक्षी ९ दलले आज बस्ने संसद बैठक पनि अवरुद्ध गर्ने निर्णय गरेको छ । सरकारले संविधान संशोधन विधेयक पेश गर्न खोजेमा अवरुद्ध गर्ने निर्णय भएको बैठक पछि नेताहरुले बताएका छन् । अहिले केहीबेरमा संसदको कार्यव्यवस्था समिति बैठकमा पनि दलहरुबिच छलफल हुँदैछ ।
कार्यव्यवस्था परामर्श समितिको बैठकपछि सभामुख ओनसरी घर्तीमगरले प्रमुख पाँच दलको बैठक समेत बोलाउनु भएको छ ।
सभामुख घर्तीले संसद बैठक बस्नु अघि प्रमुख ५ दल कांग्रेस, एमाले, माओवादी, राप्रपा र फोरम लोकतान्त्रिकका शीर्ष नेतासँग छलफल गर्ने तयारी गर्नुभएको हो ।
यस्तै विपक्षी दलसँगको छलफलपछि एमालेको संसदीय दलको बैठक अहिले केहि वेरमा बस्दै छ । यसै विच लामो समयको अवरोधको बाबजुद पनि आज दिउसो १ बजे बस्न लागेको व्यवस्थापिका संसदको बैठक अनिश्चित बनेको छ ।
आजको संसद बैठकमा सरकारले संविधान संशोधन विधेयक टेवुल गर्ने तयारी गरेको छ । तर प्रमुख प्रतिपक्षी एमाले सहित नौ दलले संशोधन विधेयक अघि बढाउन नदिने अडान दोहोर्याएका छन् ।
