काठमाण्डौ ,पुस २३ ।
कांग्रेसका सभापति शेरबहादुर देउवाले संसदमा पेश भएको संबिधान संशोधन प्रस्ताव पारित गरेर तीनवटै तहको निर्वाचन गराउने दाबी गर्नुभएको छ ।
काभ्रे क्षेत्र नं १ अन्तर्गत कोसीपारीका ९ वटा गाउँ कार्यसमितिले गोठपानीमा गरेको आमसभालाई सम्बोधन गर्दै उहाले संशोधन प्रस्ताव पारित भएरै छाड्ने दाबी गर्नुभयो ।
उहाले निर्वाचन गराएर संविधानलाई कार्यान्वयन गर्नका लागी संविधान संशोधन पारित गर्नुपर्नेमा जोड दिनुभयो ।
प्रमुख प्रतिपक्षी दल एमालेले संविधान संशोधन प्रस्तावमा छलफल नै गर्न नदिएर प्रजातान्त्रिक चरित्र नदेखाएको आरोप उहाले आरोप लगाउनु भयो ।
संशोधन प्रस्ताव पारित भएर मधेस र आदिवासी जनजातिका समस्या सदा–सदाका लागि अन्त्य हुने विश्वास व्यक्त गर्दै उहाले एमालेले त्यसमा पनि बखेडा झिकेको आरोप लगाउनु भयो ।
यस्तै सोहि कार्यक्रममा बोल्दै परराष्ट्रमन्त्री समेत रहनुभएक केन्द्रीय सदस्य प्रकाशशरण महतले संशोधनबारे सडकमा जनता उचालेर समस्या समाधान नहुने दाबी गर्नुभयो ।
उहाँले परराष्ट्र नीति र सम्बन्ध सडकमा बखेडा झिक्ने विषय नभएको भन्दै सरकारले सही ठाउँमा सही समयमा राष्ट्रिय स्वार्थ र आवश्यकताको कुरा उठाएको तर्क गर्नुभयो ।
केन्द्रीय सदस्य बद्री पाण्डेले सबैलाई मिलाएर लैजान संशोधन प्रस्ताव आएको दाबी गर्नुभयो ।
