काठमाडौं, २३ पुस ।
नेपाल–चीन सम्बन्धमा भारतीय थिंक ट्यांकहरुको प्रतिवेदन सार्वजनिक भएसंगै चीनले पनि नेपालमा आफ्नो राजनीतिक सक्रियता बढाएको छ ।
नेपालका लागि चिनियाँ राजदूत यु होङ्ले आज बिहान प्रधानमन्त्री पुस्पकमल दाहलासंग भेट गरी पछिल्लो समय नेपालको वर्तमान राजनितिक अवस्था र थिंक ट्यांकहरुको प्रतिवेदनका बिषयमा चासो राख्नुभएको छ ।
मुलुकमा राजनीतिक गतिरोध चुलिएको समयमा प्रधानमन्त्रीलाई भेट्न राजदूत होङ् वालुवाटार पुग्नु भएको थियो ।
उहाँहरुबीच भेटमा भारतीय थिंक ट्यांकले यही साता नेपाल र चीनबीचको सम्बन्धबारे सार्वजनिक गरेको राजनीतिक प्रतिवेदनबारे छलफल भएको वालुवाटार स्रोतले जनाएको छ ।
राजदूत होङ्ले राजनीतिक अवस्था र यसको निकासबारे प्रधानमन्त्री दाहालसँग जिज्ञासा राख्नु भएको थियो । यस्तै उहाले चीनले नेपाललाई गर्दै आएको सहयोग निरन्तर रहने पनि बताउनु भयो ।
थिंक ट्यांकले यसै साता चीनको प्रभाव नेपालमा बढेको प्रतिवेदन सार्वजनिक गरेको थियो ।
