पर्सा, २३ पुस । ऊर्जामन्त्री जनार्दन शर्माले जलविद्युतमा लगानी गरि मुलुकलाई लोडसेडिङ मुक्त गराउने सरकारी अभियानमा सहयोग गर्न निजी क्षेत्रलाई आग्रह गर्नुभएको छ ।
वीरगन्ज उद्योग वाणिज्य सङ्घद्वारा आज आयोजित अन्तरक्रिया कार्यक्रममा बोल्दै उहाँले सरकारले जलविद्यत् क्षेत्रमा निजी लगानी कर्तालाई समेत लगानी गर्ने अवसर दिएकाले त्यसको फाईदा उठाउन उद्योगी व्यापारीलाई आग्रह गर्नुभयो ।
उहाले जलविद्युत्को विकास भएमात्र देशको आर्थिक विकास हुने बताउनुभयो । मन्त्री शर्मालेवर्तमान सरकारले नेपालको पानी जनताको लगानी अभियान अघि सारेकाले नेपालको नदीनालामा निजी क्षेत्रले लगानी गरी ऊर्जा सङ्कटलाई समाप्त पार्नुपर्नेमा जोड दिनुभयो ।
देश सङ्घीयतामा गइसकेकाले अब देशको आर्थिक विकास र समृद्धिका लागि बढी भन्दा बढी जलविद्युत्को उपयोग गर्नुपर्नेमा उहाले जोड दिनुभयो ।
वीरगन्ज उद्योग वाणिज्य सङ्घका अध्यक्ष प्रदीपकुमार केडिया लगायतका उद्योगि व्यापारीहरुले वीरगन्जमा हुदै आएको ऊर्जा सङ्कटको अन्त्य गर्न माग गरेका थिए ।
