काठमाडौ २२ पौष ।
स्थानीय तह पुनरसंरचना आयोगले आज सरकारलाई प्रतिवेदन बुझाउँदैछ । अपरान्न साढे ४ बजे प्रधानमन्त्री पुष्पकमल दाहाललाई भेटेर प्रतिवेदन बुझाउने तयारी भएको आयोगका अध्यक्ष बालानन्द पौडेलले जानकारी दिनुभयो ।
आयोगले यसअघि प्रधानमन्त्री तथा मन्त्रिपरिषद् कार्यालयलाई पत्र पठाएर प्रतिवेदन बुझ्न आग्रह गर्दै आएको थियो । हिजो बसेको मन्त्रीपरिषद बैठकले प्रतिवेदन बुझ्ने निर्णय गरेपछि आयोगले आज प्रतिवेदन बुझाउने तयारी गरेको हो ।
यसअघि छिटो प्रतिवेदन तयार पार्न आयोगलाई ताकेता गरेको सरकार प्रतिवेदन बुझ्न मानेको थिएन । आयोगले ७ सय २५ देखि ७ सय ३० संख्या रहने गरी स्थानीय तह निर्धारण गरेको छ । आयोगको म्याद आगामी फागुन मसान्त सम्म रहेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
