काठमाडौं, पुस २२।
सामुदायिक रेडियो प्रशारक संघ नेपाल (अकोराब) को १२ औं साधारणसभा तथा छैटौं अधिवेशन आजबाट राजधानीमा हुँदैछ ।
सामाजिक रुपान्तरणका लागि सामुदायिक रेडियो भन्ने नाराका साथ अकोराबको १२ औं साधारणसभा तथा छैटौं अधिवेशन हुन लागको हो ।
अधिवेशनमा भाग लिन देशभरिका झण्डै तीन सय सामुदायिक रेडियोका प्रतिनिधि राजधानी आइपुगेको अकोराबले जनाएको छ ।
२०५९ साल साउन २८ गते दर्ता भएको संघमा अहिले दुई सय ८७ सदस्य रहेका छन् । देशभर सामुदायिक रेडियोको संख्या ३ सय ३ पुगेको छ ।
लोकतन्त्र, कानुनको शासन र मानवअधिकारमा आधारित सुशासनको अवधारणालाई नेपालका सामुदायिक रेडियोले अनुशरण गर्दै आएका छन् ।
नेपालका झन्डै ९५ प्रतिशत नागरिकमा आफ्नो पहुँच पुरियाएका सामुदायिक रेडियोले ७० भन्दा वढी भाषामा सूचना, सन्देश, जानकारी र मनोरञ्जनात्मक कार्यक्रमहरु प्रसारण गरिरहेको अकोरावले जनाएको छ ।
