काठमाडौ २० पौष ।
नेकपा एमालेका वरिष्ठ नेता माधव कुमार नेपालले प्रधानमन्त्री पुष्पकमल दाहालसँग सत्ता सन्चालनको लागि अनुभव नभएको बताउनु भएको छ ।
नेता नेपालले प्रधानमन्त्री दाहाललाई सम्झाएर अहिलेको तमासा अन्त्य गर्न पार्टी सभापति शेरबहादुर देउवालाई आग्रह समेत गर्नुभयो ।
आगामी पौष २२ गते हुने विरोध सभाको विषयमा काठमाडौंमा आज भएको अन्तक्र्रियामा बोल्दै नेता नेपालले कांग्रेस र माओवादीसँग अनौपचारिक रुपमा छलफल चलिरहेकाले छिटै औपचारिक छलफल गरी समाधानको बाटो निकालिने बताउनुभयो ।
सर्वोच्चको फैसलापछि राजनीतिक निकासको बाटो खुलेको भन्दै नेता नेपालले संसद बैठक पनि २४ गतेसम्म स्थगित भएको सन्दर्भमा त्यस अवधिसम्म कुनै न कुनै निकास निस्किने धारणा राख्नुभयो ।
अहिलेको राजनीतिक एजेण्डा संविधान संशोधन नभएर संविधान कार्यान्वयन भएको उल्लेख गर्दै नेता नेपालले संशोधन संशोधनको विवादलाई पन्छाएर चुनावको मिति घोषणा गर्नुपर्ने बताउनुभयो ।
