एजेन्सी, पुस १९ ।
इङ्लिस प्रिमियर लिग फुटबल अन्तर्गत गएराति भएका खेलमा म्यानचेस्टर युनाईटेड र म्यानचेस्टर सिटी विजयी भएका छन् ।
खेलमा म्यानचेस्टर युनाईटेडले वेष्ट ह्याम युनाईटेडलाई २–० ले हराएको हो । म्यान्चेस्टर युनाईटेडका लागि हुँवा माटा र ज्लातन ईब्राहिमोभिचले एक–एक गोल गरे ।
गएराति नै भएको अर्को खेलमा म्यानचेस्टर सिटीले बर्नलेलाई २–१ ले पराजित गरेको छ । म्यानचेस्टर सिटीको जितमा गेल क्लीसी र सर्जीयो अगुएरोको एक एक गोल गरेका हुन् ।
यो सिजन उत्कृष्ट प्रदर्शन गरिरहेको लिभरपुललाई भने सण्डरल्याण्डले २–२ गोलको बराबरीमा रोकेको छ । गएराती नै भएको अर्काे खेलमा एभर्टनले साउथ ह्याम्पटनलाई ३–० ले हराउँदा वेष्ट ब्रोमले हल सिटीलाई ३–१ ले पाखा लगाएको छ ।
लेष्टर सिटी र मिडिल्सब्रोले भने गोलरतिह बराबरी खेलेका छन् । यस्तै गएरातिका खेलहरुपछि प्रिमियर लिगको अंक तालिकामा १९ खेलबाट ४९ अंक जोडेको चेल्सी शीर्ष स्थानमा कायमै छ ।
एक खेल बढी खेलेका लिभरपुल ४४ अंकसहित दोस्रो तथा म्यान्चेस्टर सिटी ४२ अंकसहित तेस्रो स्थानमा छन।
