काठमाडौ १८ पौष ।
ब्यावस्थापिका संसदको बैठक भोली सम्मका लागी स्थगित भएको छ । दिउसो १ बजे बसेको बैठकमा सरकारले संसदमा दर्ता गराएको संबिधान संसोधन बिधेयक फिर्ता गर्न माग गर्दै विपक्षी दलले अबरोध गरेपछि अपरान्ह ४ बजेका लागी सारिएको थियो ।
तर संसोधन प्रस्तावका बिषयमा दलहरुबीच सहमती नभएकाले सभामुख ओनसरी घर्तीले सुचना टासेर भोली दिउसो १ बजे सम्मका लागि स्थगित गर्नुभएको हो ।
यसअघि आज दिउसो बसेको बैठकमा एमाले सहितका संसोधन बिधेयकको बिरोधमा रहेका ९ दलका सांसदले विधेयक फिर्ता लिएर निर्वाचनमा जाने वातावरण बनाउन सरकारसँग माग गर्दै अबरोध गरेका थिए ।
बैठक सुरु हुनेबित्तिकै नेकपा मालेकी सांसद कमला बिश्वकर्माले संबिधान संसोधन बिधेयक फिर्ता नलिएसम्म संसद चल्न नसक्ने बताएपछि विपक्षी दलका सांसदहरुले आ–आफ्नो स्थानबाट उठेर संशोधन प्रस्तावप्रति विरोध जनाएका थिए ।
