१७ पौष, ताप्लेजुङ ।
ताप्लेजुङको खोक्लिङमा जाजरकोट निवासी एक वन रक्षकको खुकुरी प्रहार गरी हत्या भएको छ ।
नियमित तालिका अनुसार, बाहिर काममा खटेको अवस्थामा खोक्लिङ ८, ओईराखुमा आज बिहान जाजरकोट निवासी वन रक्षक गणेश बहादुर शाहीको स्थानीय सबिन लिम्बूले खुकुरी प्रहार गरी हत्या गरेको बताईएको छ ।
पानीको मुहान बिवाद हुँदा वन रक्षक शाहीलाई खुकुरी प्रहार गरी टाउको छिनाएर लिम्बूले टाउको लिएर फरार भएको स्थानीयले बताए ।
यता जिल्ला वन कार्यालयका कर्मचारी दान बहादुर श्रेष्ठले सामुदायिक वन कोषाध्यक्ष हरिलाल पन्तको घरमा घटना भएको र लिम्बूले शाहीको टाउको छिनाई लिएर फरार भएको भन्ने पुष्टी नभएको बताए ।
जिल्ला प्रहरी कार्यालय ताप्लेजुङ प्रमुख राम बहादुर केसीले घटनाको पुष्टी भए पनि विस्तृत जानकारी आउन बाँकी रहेको बताए ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
