काठमाडौ १६ पौष ।
इङ्लिस प्रिमियर लिग अन्तर्गत गएराति सन्पन्न खेलमा हल सिटी र इभर्टन २–२ को बराबरीमा रोकिएको छ । खेल सुरु भएको छैठौं मिनेटमै कपतान मिचेल डसनको गोलबाट सिटीले अग्रता लिएको थियो ।
प्रिमियर लिगको यो सिजनमा डसनको यो तेस्रो गोल हो । पहिलो हाफको अतिरिक्त समयमा सेमस कोलम्यानले गरेको हेडलाई सिटीका गोल रक्षक डेभिड मार्शलले पन्च गरेका थिए ।
गोल रक्षक मार्शलले गरेको पन्चलाई केभिन मिराल्सले गोल गर्दै खेल बराबरीमा ल्याए । त्यस्तै दोस्रो हाफको ६५ औं रोवर्ट स्नोडग्रसले गाले गर्दै पुन सिटीलाई अग्रता दिलाए ।
खेल सकिन ६ मिनेट बाँकी छँदा इर्भटनका रोस बाकर््लीले गोल गर्दै खेल बराबरीमा ल्याए । खेल बराबरी भएसँग इभर्टनको २७ अंक छ भने सिटीमो १३ अंक छ ।
४६ अंक जोडेको चेल्सी अंक तालिकाको शिर्ष स्थानमा भने ४० अंक रहेको लिभरपुल दोस्रो र ३९ अंक सहित म्यानचेष्टर युनाइटेड तेस्रो स्थानमा छन् ।
