काठमाडौं, पुस १५ । गत शुक्रवारदेखि पूर्वाञ्चलमा भएको सातौं राष्ट्रिय खेलकुद प्रतियोगिता आज सम्पन्न भएको छ ।
विराटनगरमा राष्ट्रपति विद्यादेवी भण्डारीले उद्घाटन गरेको सातौं राष्ट्रिय खेलकुदको धरानमा उपराष्ट्रपति नन्दबहादुर पुनले समापन गरेसँगै सकिएको हो ।युवा तथा खेलकुद मन्त्री दलजीत श्रीपाली र राष्ट्रिय खेलकुद परिषदका सदस्य सचिब केशब कुमार बिष्टले खेलकुद विकास समिति मध्यपश्चिमका अध्यक्ष भिमप्रसाद ओलीलाई झण्डा हस्तान्तरण गरेर प्रतियोगिता समापन भएको घोषणा गरियो ।
पदक तालिकामा त्रिभुवन आर्मी क्लब शीर्ष स्थानमा रहँदा सशस्त्र प्रहरी दोस्रो तथा नेपाल पुलिस क्लब तेस्रो भएको छ ।
२ ÷२ वर्षमा हुने राष्ट्रिय खेलकुदको आठौं संस्करण मध्यपश्चिमाञ्चलमा हुने भएको छ ।
मध्यपश्चिमाञ्चल र पश्चिमाञ्चलबीच दाबेदारी भएपनि मध्यपश्चिमाञ्चल खेृल हुने निर्णय भएके हो ।सातौं राष्ट्रिय खेलकुद समापनका अवसरमा आठौं राष्ट्रिय खेलकुदको आयोजना मध्यपश्चिमको नेपालगञ्जमा हुने घोषणा गरेको हो ।
२०३८ सालदेखि सुरु भएको राष्ट्रिय खेलकुद योपटक पाँच वर्षपछि भएको हो ।
छैटौं संस्करण २०६८ सालमा सुदूरपश्चिमाञ्चलमा भएको थियो ।नवौं राष्ट्रिय खेलकुद भने पश्चिमाञ्चलको कास्कीमा हुने घोषणा भएको छ ।
