काठमाडौं, पुस १५ । सातौं राष्ट्रिय खेलकुद प्रतियोगिताअन्तर्गत् पुरुष क्रिकेटको उपाधि सशस्त्र प्रहरीले जितेको छ ।शुक्रबार विराटनगरमा भएको फाइनलमा त्रिभुवन आर्मी क्लबलाई ४९ रनले पराजित गर्दै सशस्त्रले स्वर्णपदक जितेको हो ।पहिले ब्याटिङ गरेको सशस्त्रले निर्धा्रित् २० ओभरमा ९ विकेटको क्षतिमा १२१ रन बनायो ।
सशस्त्रका कप्तान पारस खड्काले ३८ बलमा सर्वा्धिक ३३ रन बनाएको इनिङमा भुवन कार्कीले १२ बलमा अविजित रहँदै २४ रन जोडे ।
आर्मीका सोमपाल कामी, विक्रम सोब र चन्द्र साउदले समान २र२ विकेट लिए ।जवाफमा आर्मीले १७ ओभर ४ बलमा अलआउट हुँदै ७२ रनमात्र जोड्न सक्यो ।नरेश बुढाऐरलेमात्र दोहोरो अंक जोड्नेक्रममा १७ रन बनाएको इनिङमा सशस्त्रका भुवन कार्कीले ११ रन खर्चेर ४ विकेट लिए ।
प्रतियोगितामा नेपाल पुलिस क्लबले कास्यपदक जितेको छ । शुक्रबारै तेस्रो स्थानका लागि भएको खेलमा पुलिसले मध्यमाञ्चललाई ३३ रनले पराजित र्गयो ।प्रतियोगिताभर सशस्त्रका कप्तान पारस खड्काले सर्वा्धिक १८४ रन जोडे भने पुलिसका ललित भण्डारीले सर्वा्धिक १२ विकेट लिए ।
