काठमाडौं, पुस १५ ।
मुलुकमा विद्यमान समस्याको निकासका लागि नेकपा एमालेले भोलीदेखि विभिन्न नेता तथा नागरिक समाजका प्रतिनिधिसँग छलफल गर्ने भएको छ ।
यहि पुस २२ गते संबिधान संसोधनको बिरोधमा सभाको आयोजना गरेको एमालेले भोलीदेखि काठमाडौं उपत्यकामा बिहीबारसम्म छलफल तथा अन्तक्र्रिया गर्ने तयारी गरेको हो ।
एमालेका सचिव योगेश भट्टराईले संविधान संशोधनको प्रस्ताव मुलुकको हितमा नरहेकाले यसबारे जनतालाई सुसूचित गर्नका लागी एमालेले अन्तरक्रिया तथा सभा गर्न लागेको बताउनु भयो ।
राजधानीमा आज आयोजित कार्यक्रममा बोल्दै उहाले भौगोलिक विविधताका बाबजुद् पनि मिलेर बसेका नेपाली समाजलाई विखन्डनतर्फ लैजाने उद्देश्यले ल्याइएको प्रस्ताव एमालेले कुनै हालतमा स्वीकार नगर्ने बताउनु भयो ।
प्रस्तावका विरुद्ध नेकपा एमालेको नेतृत्वमा विभिन्न ९ दलले यही पुस २२ गते सभा गर्न लागेको जानकारी गराउदै उहाले त्यसमा सबैलाई सहभागीता जनाउन पनि आग्रह गर्नुभयो ।
पार्टी प्रचार विभागका उपप्रमुख सूर्य थापाले ९ दलले देश र जनताको स्वतन्त्रता र स्वाभिमानको पक्षमा लडाइँ सुरु गरेकाले त्यस्तो अभियानलाई प्रेसले निष्पक्षरुपमा साथ दिनुपर्नेमा जोड दिनुभयो ।
यस्तै एमाले नेता विष्णु रिजालले ९ दलले संयुक्तरुपमा गर्न लागेको सभा तथा आन्दोलनले मुलुकलाई विखन्डन गर्न चाहने स्वदेशी तथा विदेशी तत्वलाई ठूलो शिक्षा हुने विचार व्यक्त गर्नुभयो ।
