काठमाण्डौ ,१५ पुस ।
नेपाल समुह विजेता बन्दै चौथो साफ महिला च्याम्पियनसिपको सेमिफाइनलमा प्रवेश गरेको छ ।
भारतको सिलगुढीस्थित कञ्चनजङ्घा रङ्गशालामा आज भएको खेलमा श्रीलंकालाई १ -० ले पराजित गर्दै नेपाल सेमिफाइनलमा प्रवेश गरेको हो।
खेलको ८८ औं मिनेट सपना लामाले गरेको गोल नै निार्णयक बन्यो ।
भुटान र माल्दिभ्ससँगको खेलमा फराकिलो जित निकालेको नेपाललाई आज श्रीलङकाले निक्कै दबाबमा राखेको थियो ।
निक्कै आक्रामक खेलेको श्रीलंकाले जित भने निकाल्न सकेन । उसको डिफेन्सीभ पक्ष बलियो थियो ।
नेपालकी स्ट्राइकर सावित्रा भण्डारी र अनिता बस्नेतले पाएका केही राम्रा अवसर गुमाएका थिए ।
नेपाल आजको खेलबाट समूह ‘ए’ को विजेता बन्दै अघिल्लो चरण प्रवेश गरेको छ । नेपाल ९ अंकसहित समुह ए को शिर्ष स्थानमा छ ।
यसअघि भएको पहिलो खेलमा नेपालले भुटानलाई ८–० गोल अन्तरले पराजित गरेको थियो भने माल्दिभ्सविरुद्धको दोस्रो खेलमा नेपालले ९–० को जित हासिल गरेको थियो ।
