खोटाङ, पुस १२ ।
संघीय समाजवादी फोरम नेपालका वरिष्ठ नेता अशोक राईले एमालेले यथास्थिति र पश्चगमनको बाटोमा लागेर संसद अवरुद्ध गरिरहेको आरोप लगाउनु भएके छ ।
खोटाङ सदरमुकाम दिक्तेलमा आज आयोजित पत्रकार सम्मेलनमा बोल्दै उहाले संसद अवरुद्ध गरिरहनु एमालेको गैरराजनीतिक चरित्र भएके पनि टिप्पणी गर्नुभयो ।
एमालेभित्रै अग्रगमनको पक्षमा रहेका नेताहरुले संशोधन प्रक्रियामा एमाले विरुद्धमा मतदान गर्ने भएकाले पनि संशोधन प्रक्रिया बढाउन नदिएको राईले तर्क गर्नुभयो ।
नेता राईले पहिचान, आदिवासी जनजाति, मधेसी, दलित लगायतका अधिकारलाई सुनिश्चित गर्ने र असन्तुष्ठ पक्षको माग संबोधन गर्ने आश्वासन दिएपनि माओवादी केन्द्रका अध्यक्ष प्रचण्डले आफु नेतृत्वमा पुगेपछि पूरा गर्न नसकेको बताउनु भयो ।
संविधान संशोधन जनताका लागि चाहिएकाले कसैलाई पनि बेफाइदा नहुने भन्दै उहाले संशोधन हुन सक्दैन भन्ने अभिव्यक्ति यथास्थिति र पश्चगमनको भाषा भएके बताउनु भयो ।
अर्को प्रशंगमा उहाले अहिलेको नयाँ संरचनाका आधारमा नै चुनाव हुने पनि दाबी गर्नुभयो ।
