इनरुवा, पुस ११ ।
सातौं राष्ट्रिय खेलकुद प्रतियोगिताअन्तर्गत् खो–खोतर्फको फाइनल खेलमा विभागीय टोली नेपाली सेनाले स्वर्णपदक जितेको छ ।
सुनसरी सदरमुकाम इनरुवामा सम्पन्न सम्पन्न भएको खो–खो खेलमा सेनाले महिला तथा पुरुष दुबै प्रतिस्पर्धामा प्रथम हुँदै स्वर्णपदक हात पारेको हो ।
पुरुषतर्फको फाइनलमा नेपाली सेनाले मध्यमाञ्चललाई पराजित गरेको हो । सेनाले एकपालि बाँकी छँदै मध्यमाञ्चललाई ६ काविरुद्ध १० को स्कोरमा पराजित गरी स्वर्ण जितेको हो ।
मध्यमाञ्चलले रजतमा चित्त बुझाउँदा कास्यपदक भने सुदूरपश्चिमाञ्चलले हात पारेको छ ।
त्यसैगरी, आजै सम्पन्न महिलातर्फको खो–खो खेलको फाइनलमा आर्मीसँग पराजित हुँदै मध्यपश्चिमाञ्चलले रजतपदक प्राप्त गरेको छ । महिला खो–खोको कास्यपदक भने सुदूरपश्चिमाञ्चलले जितेको छ ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline
