काठमाडौ ११ पौष ।
आज १२४ औं माओ दिवस, माओ सिद्धान्त मान्ने विभिनन कम्युनिष्ट घटकहरुले विभिन्न कार्यक्रमको आयोजना गरी मनाउदैछन् । चिनियाँ जनवादी नेता माओत्सेतुङको जन्मदिनका अवसरमा विश्वभरका कम्युनिष्टहरुले यो दिवस मनाउने गर्दछन् ।
माओतसेतुङको जन्म सन् १८९३ डेसेम्भर २६ तारीखमा चीनको हुनान प्रान्तमा भएको थियो । माओ दिवसका अवसरमा नेकपा माओवादी केन्द्र, नेकपा माओवादी लगायत अन्य कम्युनिष्ट पार्टीले आज विभिन्न कार्यक्रमको आयोजना गरेका छन् ।
माओकै सिद्धान्तमा टेकेर तत्कालिन नेकपा माओवादीले दश वर्षसम्म सशस्त्र संघर्ष गरेको थियो । यसैबीच माओ दिवसका अवसरमा नेकपा क्रान्तीकारी माओवादीका अध्यक्ष मोहन वैद्य किरणले विश्व कम्युनिष्ट आन्दोलनका नेता माओले देखाएको क्रान्तीको बाटोमा दृढतापूर्वक नयाँ जनवादी क्रान्तीको तयारी सहित अघि बढ्न आवश्यक रहेको बताउनु भएको छ ।
