सुनसरी, पुस ९ ।
पूर्वान्चलमा जारी सातौँ राष्ट्रिय खेलकुद प्रतियोगिता अन्तर्गत महिला फुटबलमा सशस्त्र प्रहरीले स्वर्ण पदक जितेको छ ।
दुहवी रङ्गशालामा आज सम्पन्न फाइनलमा नेपाल पुलिसलाई ट्राइबेक्ररमा ४–२ गोल अन्तरले पराजित गर्दै ससस्त्रले स्वर्ण जितेको हो ।
निर्धा्रित समयमा दुवै टोलीले गोल गर्न नसकेपछि खेलको निर्णय ट्राइबेकरमा गरिएको थियो । ट्राइबेकरमा सशस्त्रका लागि उसा भण्डारी, लक्ष्मी कुमारी पौडेल, मन्जु दोङ्ग र अनिता केसीले गोल गरेका थिए । सशस्त्रकी तारा थिङ्गको प्रहार भने पोष्टमा लागरे फर्किएको थियो ।
यसैगरी पुलिसका लागि धिमकुमारी गुरुङ र सृजना खड्काले गोल गरे । पुलिसकी निर्मला उपाध्यायले हानेको प्रहार पोष्ट बाहिर गायो । अमृता जोशीको प्रहार भने सशस्त्रकी रुपा राना मगरले बिफल बनाइन् ।
स्वर्ण विजेतालाई युवा तथा खेलकुद मन्त्री दलजीत श्रीपालीले आजै मेडल तथा प्रमाण पत्र प्रदान गरेका छन् ।
