काठमाडौ ९ पौष ।
कृषिमन्त्री गौरिशंकर चौधरीले कृषि क्षेत्रको विकासका लागि सरकारले सातै प्रदेशमा कृषि अनुसन्धान केन्द्र स्थापना गर्ने बताउनु भएको छ ।
कृषिको बिकास बिना नेपालको बिकास असम्भव रहेको भन्दै उहाँले कृषि अनुसन्धान केन्द्रको स्थापनाका लागी सरकार छलफल र निर्णयको अन्तिम तयारीमा जुटेको बताउनु भयो ।
पश्चिम चितवनको रामपुरमा रहेको राष्ट्रिय मकैबाली अनुसन्धान केन्द्र र राष्ट्रिय गाई अनुसन्धान फार्मको अबलोकनपछि सम्बोधन गर्दै मन्त्री चौधरीले कृषि मन्त्रालयले छिटै कृषि यन्त्र विनियमलाई संशोधन गरि पुर्णता दिएपछि बिभिन्न कामहरुले पूर्णता पाउने दाबी गर्नुभयो ।
कृषि यन्त्र विनियमको संशोधन नगर्दा धेरै समस्या भएको भन्दै उहाँले त्यसलाई संशोधन गरेर कृषि क्षेत्रका नयाँ विकासका योजनाहरु केहि महिनाभित्रै सार्वजनिक गर्ने बताउनु भयो ।
दक्ष जनशक्ति बाहिरिनेक्रम बढेकाले उनीहरुलाई टिकाउन अर्थ मन्त्रालयसँग अनुमति लिएर पेन्सनको व्यवस्था ग्यारेन्टी गरेको भन्दै उहाँले अब दक्ष जनशक्ति मुलुकमै रहने र देशको बिकास द्रुत गतिमा हुने दावी गर्नुभयो ।
