काठमाडौ ८ पौष ।
सातौ राष्ट्रिय खेलकुद प्रतियोगिताको आज विराटनगरमा औपचारिक उद्घाटन भएको छ । विराटनगर स्थित सहिद रंगशालामा भव्य समारोहका विच राष्ट्रपति विद्यादेवि भण्डारीले प्रतियोगिताको उद्घाटन गर्नुभएको हो ।
पुरुष तथा महिला फुटबलका खेलहरु यस अघि देखि नै सुरु भए तापनि प्रतियोगिताको औपचारिक उद्घाटन भने आज मात्र भएको हो । २ हजार दर्शक क्षकताको शहीद रंगशालामा राष्ट्रपति भण्डारीले प्रतियोगिताको औपचारिक उदघाटन भएको घोषणा गुर्नुभयो ।
उद्घाटन समारोहलाई सम्बोधन गर्दै राष्ट्रपति भण्डारीले सन् २०१९ मा नेपालमा हुने तेह्रौं दक्षिण एशियाली खेलकुद सागलाई सफलता पूर्वक सम्पन्न गर्न प्रतियोगिताले उत्प्रेरण दिने विश्वास व्यक्त गर्नुभयो ।
यस्तै उहाँले सन् २०१८ मा इन्डोनेशियाको जकार्तामा हुने एशियाली खेलकुद र सन् २०२० मा जापानको टोकियोमा हुने ओलम्पिकको तयारीका लागि पनि यो प्रतियोगिताले उत्प्रेरकको भूमिका खेलोस भन्ने कामना गर्नुभयो ।
आगामी पुस १५ गते सम्म सञ्चालन हुने बृहत राष्ट्रिय खेलकुदमा ४ हजार भन्दा बढी खेलाडिले विभिन्न ३५ खेलमा प्रतिस्पर्धा गर्ने छन् । पूर्वाञ्चलको मोरङ, सुनसरी, झापा, धनकुटा, सिराह, सप्तरी र उदयपुरमा प्रतियोगिताको विभिन्न खेल हुने छन् ।
प्रतियोगितामा ३५ खेल समावेश गरिए पनि पूर्वाञ्चलमा ३० खेल मात्र हुने बताइएको छ । अन्य ५ खेल मध्य एक खेल पोखरामा र ४ खेल राजधानीका हुने निर्णय गरिएको थियो । त्यस मध्य तीन खेल सम्पन्न भइसकेका छन भने महिला फुटबलका खेल सुनसरीको दुहवीमा र पुरुष फुटबल धरानमा जारी छ ।
प्रतियोगितामा २ सय ९४ स्वर्ण, २ सय ९४ रजत तथा ४ सय ४७ कास्य पदकका लागि झण्डै ३५ सय खेलाडीबीच प्रतिस्पर्धा हुनेछ । राष्ट्रिय खेलकुदमा स्वर्ण पदक विजेता खेलाडीलाई पहिलो पटक नगद पुरस्कारको समेत व्यवस्था गरिएको छ ।
व्यक्तिगत स्पर्धाका विजेताले जनही १५ हजार पाउनेछन् भने टिम स्पर्धाका विजेताले ७ हजार पाउनेछन् । २०३८ सालमा सुरु भएको प्रतियोगिता २–२ वर्षमा गर्ने भनिए पनि २०४४ सालको चौथो संस्करण यता निर्धारित समयमा हुन सकेको छैन ।
