काठमाडौ ८ पौष ।
प्रधानमन्त्री पुष्पकमल दाहालले संविधान संशोधन विधेयक, लोकमानसिंह कार्कीविरुद्धको महाअभियोग प्रस्ताव तथा स्थानीय तह निर्वाचनसँग सम्बन्धित विधेयक लगायतका विषयमा प्याकेजमा सहमति गर्न प्रमुख प्र्रतिपक्षी दल नेकपा एमालेसँग आग्रह गर्नुभएको छ ।
गोरखाको चनौटे पुग्नुभएका प्रधानमन्त्री दाहालले राजनितिक गतिरोध अन्त्य गर्न गम्भिर बन्न एमालेलाई आग्रह गर्नुभयो ।
लगातार संसद अवरुद्ध गरेर राष्ट्रवादी नहुने भन्दै उहाँले संसदीय प्रक्रियालाई मार्ग खुला गर्न समेत प्रतिपक्षी दलसँग आग्रह गर्नुभएको छ । मधेशी, जनजाति र थारु समुदायलाई वाइपास गरेर कुनैपनि दल राष्ट्रवादी हुन नसक्ने प्रधानमन्त्री दाहालको भनाई छ ।
राष्ट्रवादी हुनालाई तराई, पहाड र हिमाललाई मिलाउनुपर्ने भन्दै उहाँले यसका लागि संविधान संशोधन अनिवार्य रहेको धारणा राख्नुभयो । प्रधानमन्त्री दाहाल गोरखाको चनौटेमा निर्माणधिन कालिका जलविद्युत आयोजना र नवौं गोरखा महोत्सवको उद्घाटन गर्न गोरखा पुग्नु भएके हो ।
