काठमाडौं, पुस ८ ।
नेपाली कांग्रेसका जिल्ला कोषाध्यक्षहरुको प्रथम राष्ट्रिय सम्मेलन आजबाट राजधानीमा सुरु हुदै छ ।
कांग्रेसका सन्तनेता कृष्णप्रसाद भट्टराईको ९३ औं जन्म जयन्तीको अवसर पारेर काग्रेसले आज सम्मेलनको आयोजना गर्न लागेको हो ।
राष्ट्रिय सभागृहमा बिहान ८ बजे देखि सुरु हुने सम्मेलनको काग्रेस सभापति शेरबहादुर देउवाले उद्घाटन गर्ने कार्यक्रम रहेको छ ।
दुईदिने सम्मेलनमा राजनैतिक दलहरुले आर्थिक व्यावस्थापनका लागि गर्ने चन्दा संकलन अभियानको भय ,त्रासबाट मुक्त गर्ने उपाय ,आयव्ययको पारदर्शीताको सार्वजनिकरण गर्ने व्यावस्था लगायतका बिषयमा छलफल गरिने राष्ट्रिय सम्मेलन आयोजक समितिका संयोजक गोविन्द पुडासैनीले बताउनु भयो ।
यस्तै सम्मेलनले अन्य लोकतान्त्रिक मुलुकमा जस्तै राजनितिक दललाई न्युनतम आर्थिक सहयोगको व्यावस्था गर्न आवश्यक पहल गर्न राज्यको ध्यानाकर्षण गर्ने जनाईएको छ ।
