काठमाण्डौ पुस ८।
देशभरका सरकारी वकिलहरुको पहिलो राष्ट्रिय सम्मेलन आजदेखि राजधानीमा हुने भएको छ । उक्त सम्मेलनको राष्टपति विद्यादेवि भण्डारीले उद्घाटन गर्नु हुने छ।
सरकारी वकिल र अन्य निकाय बीचको समन्वय बृद्धि गर्ने तथा उनीहरुको प्रभावकारिता बढाउने उद्देश्यले सम्मेलन गर्न लागिएको महान्यायाधीवक्ताको कार्यालयले जनाएको छ ।
सम्मेलनमा वर्तमान परिस्थितिमा सरकारी वकिलहरुको कार्यक्षेत्र,फौजदारी न्याय प्रसाशन र फौजदारी कानुनहरुको नयाँ व्यवस्थाका सन्दर्भमा साझा धारणा तय गरिने बताइएको छ ।
३५२ जना सरकारी वकिलहरुले सहभागिता जनाउने सम्मेलनमा सरकारी वकिलको कार्यसम्पादन सम्बन्धमा ३० भन्दा बढी कार्यपत्र प्रस्तुत् गरिने छ ।
सम्मेलनमा महान्यायधिवक्ता कार्यालयको भौतिक पूर्वधार विकास र संस्थागत सुदृढीकरण, सरकारवादी मुद्धालाई प्रभावकारी बनाउन आवश्यक रणनीति बनाउने विषयमा पाँच समूहमा छलफल गरिने महान्यायाधीवक्ता रमणकुमार श्रेष्ठले जानकारी दिनुभयो ।
