काठमान्डौ पुस ७ ।
प्रमुख राजनीतिक दलहरुविच संविधान संशोधनको विषयमा सहमति हुन नसक्नदा ब्यावस्थापिका संसदको बैठक आजपनि स्थगीत भएको छ ।
आजको लागि बोलाइएको बैठक सूचना टासेर आगामी पुस १० गते दिउसो १ बजे सम्मका लागि स्थगित गरिएको संसद सचिवालयले जनाएको छ ।
प्रतिपक्षी दलले आज पनि बैठक अबरोध जारी राख्ने बताएपछि सभामुख ओनसरी घर्तीले सूचना टाँसेर बैठक स्थगित गर्नुभएको संसदका सहायक प्रवत्ता सुदर्शन कुईकेलले जानकारी दिनुभयो ।
गत सोमबारको बैठकमा निर्वाचन र संविधान संशोधन विधेयकलाई कार्यसूचिमा राखे पछि प्रमुख प्रतिपक्षी एमाले सहित ८ दल थप रुष्ट बनेका छन् ।
राजनीतिक सहमतिका लागि भन्दै बैठक स्थगित हुँदै जाँदा अख्तियार दुरुपयोग अनुसन्धान आयोगका निलम्बित प्रमुख आयुक्त लोकमान सिंह कार्कीमाथिको महाअभियोगको प्रस्ताव, स्थानीय निकायको निर्वाचनसम्बन्धी विधेयक तथा संविधान संशोधनसम्बन्धी विधेयकसमेत अगाडि बढ्न सकेको छैन ।
