काठमाडौ ६ पौष ।
कलाकार जोडी सिताराम कट्टेल धुर्मुस र कुञ्जना घिमिरे सुन्तलीले तेश्रो एकीकृत बस्ती निर्माण गर्ने घोषणा गर्नुभएको छ ।
एक भिडियो सन्देश जारी गर्दै धुर्मस सुन्तली फाउन्डेसनले बर्दिबास– २, महोत्तरीमा एकिकृत नमूना मुसहर बस्ती निर्माण गर्ने घोषणा गरेका हुन् ।
यसअघि पनि फाउन्डेसनले भूकम्पपीडितका लागि काभ्रेको पहरी वस्ती तथा सिन्धुपाल्चोक गिरान्चौरमा एकीकृत नमुना वस्ती निर्माण गरेका थिए । धुर्मस सुन्तलीले मानवता र सद्भावका लागि सहकार्य गरेर साथ दिन अपील समेत गर्नुभएको छ ।
चरम गरिबीको चपेटामा रहेका मुसहर दाउरा बेचेर जिविकोपार्जन गर्दै आएका तराइको पिछडिएको जातिमा पर्छन् । गत वर्ष धुर्मुस सुन्तलीले उक्त गाउँमा न्यानो वितरण समेत गरेका थिए ।
गाँस, बास र कपासको समेत समस्या रहेको मुसहर बस्तीका ५० परिवार मुसहरलाई उपहारस्वरुप घर प्रदान गर्न लागिएको फाउण्डेशनका अध्यक्ष सिताराम कट्टेलले बताउनु भयो ।
